Kæri félagsmálastjóri.
Fyrir hönd Gæða- og eftirlitsstofnunar félagsþjónustu og barnaverndar (GEF) vil ég þakka fyrir samstarfið á því tæpa ári sem GEF hefur starfað.
Ný lög um þjónustu við fatlað fólk og uppfærð lög um félagsþjónustu sveitarfélaga setja mun skýrari ramma en áður var um eftirlit með gæðum og öryggi félagsþjónustu. Einn liður í bættu eftirliti með þjónustunni er veiting starfsleyfa til
félagasamtaka, sjálfseignarstofnana og annarra þjónustu- og rekstraraðila sem hyggjast veita þjónustu samkvæmt lögunum.
Samkvæmt lögunum ber þeim aðilum sem þegar eru í rekstri og veita þjónustu samkvæmt þeim að sækja um starfsleyfi innan 6 mánaða frá gildistöku reglugerðar um starfsleyfi. Reglugerðin var
birt í stjórnartíðindum þann 26. nóvember 2018 og því þurfa rekstraraðilar að sækja um starfsleyfi fyrir 27. maí 2019.
Með þessu bréfi er þess farið á leit að sveitarfélögin veki athygli rekstraraðila á því að sækja þarf um starfsleyfi innan þessa frests.
Þá vill GEF vekja athygli á að skv. 42. gr. laga um félagsþjónustu er gert ráð fyrir því að sveitarfélög starfræki notendaráð sem eru formlegur samstarfsvettvangur um málefni fatlaðs fólks þar sem fjallað er um þjónustu við fatlað fólk.
Umsókn um starfsleyfi þarf að fá umfjöllun notendaráðs í því sveitarfélagi þar sem starfsemin fer fram, áður en hægt er að taka hana til afgreiðslu.
Með góðri kveðju,
Sigríður.
|
Sigríður Jónsdóttir, framkvæmdastjóri / Managing Director
Gæða- og eftirlitsstofnun félagsþjónustu og barnaverndar / Care Quality Inspectorate for social services and child protection
Skógarhlíð 6, 105 Reykjavík, Iceland
Sími / Tel: (+354) 545 8100
www.stjornarradid.is -
Fyrirvari/Disclaimer
|
Vinsamlegast hugið að umhverfinu áður en tölvupósturinn er prentaður / Please consider the environment before printing